(30 Gennaio 1987)
Un cuncert de tich e tac,
un pou fort adasi
un grizz,
se sent spéss, chi
di mé part,
in
i don che in dree a fà
pizz.
L’è
ul rumur che fan i òss,
mariunèt, tournii in del lègn,
che
sbaloten, giren salten,
ma
in mouvüü cun tantu ingègn.
Gh’han, de rèf, la sciarpa al col,
cunt un cuu tacaa
al cussin,
tegnüü franch, ca
tanti gücc,
pientaa dent in di cartin.
Che
ia a moov, in lour: i don,
cunt i diit, chissà ‘me fan,
fai
girà inscì tant a svelt,
senza
quasi fa nà i man.
E
ogni tant, insèma ai òss,
e
fan moov anca ul cussin,
un pou in pee, un
pou de sbièss,
o
gio in pian, sura al pundin.
A
pruposit del cussin,
te
mai vist cumè l’è faa?
quasi
istess d’un manicòt,
quel
di don di temp passaa.
Che
de dent e l’è un cassèt,
per
gugìt, forbiss, ruchett,
de
fò el porta la cartina,
per
pudè fà sü ul mèrlett.
Tich, tich tac, lour van
innanz,
van andree i òss a pirlà,
s üi cussit, se veed a nàss,
tanti
ròp de rimirà.
E
l’è un quader, ’na bordüra,
un
centrin o na Madòna,
che
andarann a inghirlandà,
la
cuverta: quèla bòna.
A
imbellì l’altar in Gesa,
o
ai finester la tendina,
süi
tuvai e süi lenzoo,
per
la dote alla spusina.
Lour, i don, in lè quièt,
gh ’han ul temp
de ciaciarà,
tant, i òss, van deperlour,
paren quasi dree a giugà.
Tich e tac, e ammo tich
tac,
un
pou fort o adasi un grizz,
el và innanz, stu
bel cuncert,
süi
cussit cressen i pizz.
( Dino Sala)